YUQORI SINF O'QUVCHILARINING BO'SH VAQTINI TASHKIL ETISH TEXNOLOGIYASI

Mazkur maqolada yuqori sinf o‘quvchilarining bo‘sh vaqtini tashkil etish texnologiyasining pedagogik mohiyati va amaliy ahamiyati yoritiladi. Tadqiqotda bo‘sh vaqtni tashkil etishga shaxsga yo‘naltirilgan va faoliyatga asoslangan yondashuvlar qo‘llanilgan. Bo‘sh vaqtning o‘quvchilarning shaxsiy rivoji, ijtimoiy faolligi va o‘zini boshqarish kompetensiyalariga ta’siri sifat jihatdan tahlil qilinadi. Natijalar bo‘sh vaqtni tizimli tashkil etish o‘quvchilarning ichki motivatsiyasini qo‘llab-quvvatlash, ijtimoiy moslashuvini ta’minlash va tarbiyaviy jarayon samaradorligini oshirishga xizmat qilishini ko‘rsatadi.