РАҚАМЛИ МОЛИЯВИЙ ХИЗМАТЛАР — КИЧИК БИЗНЕСНИ МОЛИЯЛАШТИРИШДА ЯНГИ ИМКОНИЯТЛАР

Мазкур тезисда рақамли молиявий хизматларнинг кичик бизнес субъектларини молиялаштиришдаги ўрни ва аҳамияти илмий-назарий ва амалий жиҳатдан таҳлил қилинади. Финтех технологиялар асосида ривожланаётган рақамли банк хизматлари, онлайн-кредитлаш платформалари ҳамда рақамли тўлов тизимлари кичик бизнеснинг молиявий ресурсларга кириш имкониятларини сезиларли даражада кенгайтирмоқда. Халқаро ташкилотлар (World Bank, BIS, OECD) тадқиқотлари ҳамда Ўзбекистон амалиёти таҳлили рақамли молиялаштириш механизмлари анъанавий молиялаштириш усулларига нисбатан тезкорлик, шаффофлик ва самарадорликни таъминлаётганини кўрсатади. Шу билан бирга, рақамли молиявий хизматларни жорий этиш жараёнида юзага келадиган киберхавфсизлик, маълумотларни ҳимоя қилиш ва ҳуқуқий тартибга солиш билан боғлиқ рисклар ҳам ёритилади.