XORIJIY TILLARNI O'QITISHDA ZAMONAVIY METODLAR

Hozirgi kunda chet tillarini o`rganish va o`rgatish barcha rivojlangan mamlakatlar qatori yurtimiz O`zbekistonda ham zamon talabiga aylanmoqda. Chet tillarini o`rganish uchun barcha yurtdoshlarimizga yaratib berilayotgan shart-sharoitlar o`zining ijobiy natijasini ko‘rsatmoqda, desak mubolag‘a bo‘lmaydi. Yurtimizda amalga oshirilayotgan islohotlar qatorida bugun chet tillariga, ayniqsa, ingliz tiliga e`tibor kuchaymoqda. Nafaqat chet tillari misolida, balki ilm dunyosining barcha sohalarida jiddiy o`zgarishlar, har jabhada yangilanishlar amalga oshirilmoqda. Albatta, bunday ulkan bunyodkorlik ishlarining boshida yurtboshimiz muhtaram Shavkat MIromonovich Mirziyoyevning ko`rsatgan jonbozliklari, yoshlarga bo`lgan e`tibor, kelajakka ishonch kabi tuyg`ular o`z aksini topmoqda.