LINGVISTIK KORPUSLARDA ONTOLOGIYADAN FOYDALANISH MASALALARI

Ushbu maqolada lingvistik korpuslarda ontologiyadan foydalanishning nazariy va amaliy masalalari tahlil qilinadi. Ontologiya korpusdagi terminlar va leksik birliklar orasidagi semantik va ierarxik bog‘lanishlarni aniqlashda, matnlarni avtomatik tahlil qilishda, hamda terminologiyani standartlashtirish va normallashtirishda qo‘llaniladi. Korpuslar bilan integratsiya qilingan ontologik tizimlar tadqiqotchilarga ma’lumotlarni qidirish, vizualizatsiya qilish va lingvistik tahlilni samarali olib borish imkonini beradi. Shu orqali tilshunoslik va lingvistik ekspertiza jarayonlarida ontologiyaning ilmiy va amaliy salohiyati oshadi.