БУРУН ВА БУРУН ЁНДОШ БЎШЛИҚЛАРИДАГИ ХАВФСИЗ ЎСМАЛАРИ МАВЖУД БЕМОРЛАРДА ЭШИТИШ ҚОБИЛИЯТИНИНГ ПАСАЙИШИНИНГ ЭПИДЕМИОЛОГИЯСИ

Резюме. Эшитишни йўқотиш бутун дунё бўйлаб кенг тарқалган патологиялардан бири бўлиб, унинг тарқалиш ҳолати ёш, жинс, жамиятдаги ижтимоий-иқтисодий ҳолат ва ташқи муҳит омиллари билан боғлиқ экани қайд этилган. Жаҳон соғлиқни сақлаш ташкилоти (ЖССТ) маълумотларига кўра, ҳар 5 инсондан бирида турли даражада эшитиш бузилишлари мавжуд. Мақолада болалар ва кексалар орасида эшитиш қобилияти пасайишининг хос хусусиятлари, туғма ва орттирилган карлик турлари, индустриал муҳит, юқори частотадаги шовқин, инфекциялар, ототоксик дорилар ва бошқа хавф омиллари атрофлича ёритилган. Шунингдек, меҳнатга лаёқатли аҳолида эшитиш қобилиятини йўқотиш меҳнат қобилиятига салбий таъсири, реабилитация муаммолари ва соғлиқни сақлаш тизимига юклама ҳақида маълумотлар келтирилган.

Калит сўзлар: эшитишни йўқотиш, ижтимоий-иқтисодий ҳолат, эшитиш бузилишлари, карлик турлари, индустриал муҳит, юқори частотадаги шовқин, инфекциялар, ототоксик дорилар, меҳнатга лаёқатли аҳоли