GIBBERELLINLARNING (GA) O'SIMLIKLAR O'SISHI VA MOSLASHUV JARAYONLARIDAGI MOLEKULYAR VA FIZIOLOGIK AHAMIYATI

Gibberellinlar (GA) o‘simliklarning o‘sishi va rivojlanishini boshqaruvchi asosiy fitogormonlardan biri bo‘lib, ularning ta’siri hujayra darajasidan boshlab butun o‘simlik organizmigacha namoyon bo‘ladi. So‘nggi yillarda olib borilgan ilmiy tadqiqotlar gibberellinlarning hujayra cho‘zilishi, gen ekspressiyasi, hujayra devori modifikatsiyasi, abiotik stresslarga moslashuv, mikorizal simbioz va vaskulyar to‘qimalarning regeneratsiyasida muhim rol o‘ynashini ko‘rsatdi. Ushbu tezisda gibberellinlarning molekulyar signalizatsiya mexanizmlari va ularning o‘simlik fiziologiyasidagi kompleks funksiyalari umumlashtirilgan holda ilmiy tahlil qilindi. Shuningdek, gibberellin signalizatsiyasini boshqarishning qishloq xo‘jaligi va biotexnologiyadagi istiqbollari muhokama qilindi.