"O'ZBEKISTON AHOLI TURMUSH DARAJASI VA DAROMADLARI AXAMIYATI"

Ushbu maqolada O‘zbekiston Respublikasida aholi turmush darajasi va daromadlarining so‘nggi yillardagi holati statistik tahlil asosida o‘rganilgan. Tadqiqot O‘zbekiston Respublikasi Milliy statistika qo‘mitasining “Living standards” rasmiy ma’lumotlariga tayangan holda olib borilib, aholi daromadlari hajmi va real o‘sish sur’atlari, daromad manbalari tarkibi, daromadlar taqsimoti hamda ijtimoiy tengsizlik ko‘rsatkichlari tahlil qilingan. Shuningdek, uy xo‘jaliklari tuzilishi, infratuzilma va ijtimoiy xizmatlarga kirish darajasi orqali aholi turmush sharoitlari baholangan. Tahlil natijalari aholi umumiy va real daromadlarining oshib borayotganini, mehnat daromadlari ulushi ortayotganini hamda turmush darajasi ko‘rsatkichlarida ijobiy o‘zgarishlar kuzatilayotganini ko‘rsatadi. Biroq daromadlar taqsimotidagi notenglik, hududlararo farqlar va uy xo‘jaliklari sharoitidagi tafovutlar dolzarb muammo sifatida saqlanib qolmoqda. Maqolada aholi farovonligini oshirish va ijtimoiy tenglikni ta’minlashga qaratilgan ilmiy-amaliy xulosalar ishlab chiqilgan.