Formativ baholash natijalaridan ta'lim sifatini yaxshilashda foydalanish

Mazkur maqolada zamonaviy ta’lim tizimida formativ baholash natijalaridan samarali foydalanish orqali
ta’lim sifatini oshirish masalalari ilmiy-nazariy va amaliy jihatdan tahlil qilinadi. Tadqiqotda formativ baholash o‘quv
jarayonining uzluksiz va moslashuvchan elementi sifatida talqin etilib, uning o‘quvchilarning o‘quv faoliyatini rivojlantirish,
refleksiya ko‘nikmalarini shakllantirish hamda o‘qitish strategiyalarini individuallashtirishdagi roli asoslab beriladi.
Maqolada formativ baholash natijalarining pedagogik qarorlar qabul qilish jarayoniga ta’siri, o‘qituvchi va o‘quvchi o‘rtasidagi
teskari aloqa mexanizmlarini kuchaytirishdagi imkoniyatlari atroflicha yoritiladi. Shuningdek, baholash natijalaridan
ta’lim sifatini takomillashtirishda foydalanishning metodik mexanizmlari tahlil qilinadi. Tadqiqot natijalari formativ baholash
ta’lim jarayonida sifat o‘zgarishlarini yuzaga keltiruvchi muhim pedagogik vosita ekanini ko‘rsatadi