SURUNKALI YURAK YETISHMOVCHILIGI BO'LGAN BEMORLARDA TEMIR ALMASHINUVI BUZILISHLARINING KLINIK AHAMIYATI

Ushbu tadqiqot surunkali yurak yetishmovchiligi bo‘lgan bemorlarda temir almashinuvi buzilishlarining klinik ahamiyatini o‘rganishga qaratilgan. Tadqiqot natijalari shuni ko‘rsatdiki, temir defitsiti bemorlarning klinik holatini sezilarli darajada yomonlashtiradi, jismoniy faollikning pasayishi, charchoq va nafas qisishni kuchaytiradi hamda davolash samaradorligini pasaytiradi. Laborator ko‘rsatkichlar – ferritin, transferrin to‘yinganligi va hepsidin – temir holatini aniqlash va erta tashxis qo‘yishda muhim vosita hisoblanadi.

Parenteral temir terapiyasi bemorlarning funktsional holatini yaxshilash, hayot sifatini oshirish va kasallik bilan bog‘liq asoratlarni kamaytirishda samarali ekanligi tadqiqot natijalari bilan tasdiqlandi. Tadqiqot shuni ko‘rsatadiki, surunkali yurak yetishmovchiligi bo‘lgan bemorlarda temir almashinuvi monitoringi va individual davolash strategiyasini ishlab chiqish klinik jihatdan muhim ahamiyatga ega.