TIL TA'LIMIDA LISONIY KOMPETENSIYANI RIVOJLANTIRISHNING PSIXOLINGVISTIK ASOSLARI

Ushbu maqolada til ta'limida lisoniy kompetensiyani rivojlantirishning psixolingvistik asoslari ilmiy-nazariy jihatdan o‘rganilgan. Lisoniy kompetensiyaning fonetik-fonologik, leksik-semantik, grammatik, pragmatik va diskursiv komponentlari tahlil qilinib, ularning shakllanishida eshituv idroki, xotira, diqqat, assotsiativ tafakkur kabi psixolingvistik mexanizmlarning roli yoritilgan. Nutqiy faoliyatning motivatsion, rejalashtirish, artikulyatsion va perseptiv bosqichlari ta’lim jarayoniga ta’siri nuqtayi nazardan tushuntirilgan. Shuningdek, kommunikativ, kognitiv va interaktiv yondashuvlarning psixolingvistik asoslari ko‘rsatilib, ularning tilni tabiiy o‘zlashtirishdagi ahamiyati asoslangan. Tadqiqot natijalari til o‘qituvchilari, metodistlar va lingvistika sohasi olimlari uchun amaliy ahamiyatga ega.