TIL VA TA'LIM INTEGRATSIYASI: ILG'OR XORIJIY TAJRIBALAR ASOSIDA TAHLIL

Ushbu maqolada til va ta’lim integratsiyasining zamonaviy yondashuvlari hamda rivojlangan davlatlarda qo‘llanilayotgan ilg‘or tajribalar tahlil qilingan. Finlandiya, Singapur, Kanada va Janubiy Koreya ta’lim tizimlarida CLIL, immersion va ko‘p tillikka asoslangan metodlar o‘quvchilarning kommunikativ kompetensiyasini rivojlantirishdagi o‘rni ochib berilgan. Tadqiqot natijalari shuni ko‘rsatadiki, tilni fanlar mazmuni bilan birgalikda o‘qitish o‘quvchilarning motivatsiyasini, bilim sifati va amaliy ko‘nikmalarini sezilarli darajada oshiradi. Olingan natijalar O‘zbekiston ta’lim tizimida til va fan integratsiyasini rivojlantirish uchun amaliy asos bo‘lib xizmat qilishi mumkinligi ta’kidlangan.