TIL VA TA'lIM INTEGRATSIYASI: ILG'OR XORIJIY TAJRIBALAR

Ushbu maqolada til va ta’lim integratsiyasining nazariy hamda amaliy jihatlari, uning ta’lim sifati va o‘quvchilar kompetensiyasiga ta’siri xorijiy tajribalar asosida tahlil qilinadi. Xususan, Finlyandiya, Singapur, Buyuk Britaniya va Janubiy Koreya ta’lim tizimidagi CLIL (Content and Language Integrated Learning) modeli o‘rganildi. Tadqiqot natijalari shuni ko‘rsatadiki, til integratsiyasi joriy etilgan tizimlarda o‘quvchilarning akademik ko‘rsatkichlari 15–25% ga oshgan (Marsh, 2018). Shuningdek, PISA 2018 natijalariga ko‘ra, ko‘p tilli ta’lim joriy etilgan maktablarda o‘quvchilarning funktsional savodxonligi an’anaviy tizimga nisbatan yuqoriroq ekanligi aniqlangan.