MODALLIK KOMPONENTIGA EGA PAREMIYOLOGIK BIRLIKLARDA EVFONIK VOSITALAR

Ushbu maqola modallik komponentiga ega paremiologik birliklarda evfonik vositalarning o‘rni va funksiyasini tahlil qiladi. Modallik paremiya matnlarida nutq yurituvchining munosabatini, qarorini yoki imkoniyatini ifodalashda muhim ahamiyatga ega bo‘lib, evfonik vositalar orqali ularning estetik, ritmik va ta’sirchanligi oshiriladi. Tadqiqot davomida turli tillardagi (xususan, o‘zbek va ingliz) maqol va matallardagi modallik birliklari o‘rganildi. Natijalar shuni ko‘rsatadiki, evfonik vositalar (ritm, aliteratsiya, asonans, qisman qafiyali tuzilmalar) modallik komponentini yanada sezilarli va esda qolarli qiladi, shuningdek, paremiologik birliklarning ta’limiy va kommunikativ funksiyalarini kuchaytiradi. Ushbu tadqiqot paremiya tadqiqotlari, til didaktikasi va stilistika sohalarida yangi metodologik yondashuvlarni ishlab chiqishda foydali bo‘lishi mumkin.