गोपाल गायन समाजाचे शास्त्रीय संगीतातील योगदान (क्षेत्र - संस्कृती व समाज)

सारांश               

 १ जुलै १९१८ रोजी 'गोपाल गायन समाज' या संस्थेची स्थापना झाली. गायन म्हणजे प्रत्यक्ष सामवेद व सामवेद हे भगवंताचेच रूप हे महान तत्व सतत मनात बाळगूनच गायनाचार्य पंडित गोविंदराव देसाई यांनी मोठ्या आत्मविश्वासाने व श्रद्धायुक्त अंत:करणाने 'गोपाल गायन समाज' ही संस्था स्थापन केली. भारतीय संगीताचे उद्धारक म्हणून ज्यांची भारतभर कीर्ती झाली त्या कै. पंडित विष्णू दिगंबर पलुसकर यांचा आशीर्वाद व कै. लोकमान्य बाळ गंगाधर टिळक यांच्यासारख्या थोर पुरुषांचा पाठिंबा घेऊन गुरुवर्य गोविंदराव देसाई यांनी आपल्या संस्थेच्या प्रवासाचा प्रारंभ केला. हळूहळू संस्था नावारूपाला येऊ लागली. तिची भरभराट होऊ लागली. (१)