Ueñu Nicacio Carmelo Antinao: mensajero de Elel Ñuqe Carmen Antihual

Nicacio Carmelo Antinao iem, uerqeñ uechru ngeuma, Carmen Antihual ñi uercüel. Aldün chripantu zunguñpei ca cüzauñpei ñi uchram-püramtufiel mapuchezungun. Rüf mapuchezungufengelu cai qishu turpu ta iehuentucuhulai ñi chezungual. Rume nampulcafe-uenchru-ngeuma, nampulcaqefui fillpüle; afqenntu miauhun mu caqeumechi mapu mu. Utui caqe chillcahue, amulzunguhue, ngellipunzungu mu, caqeumechi chrauhun mu ca fill ngüchramcauhun mu.
Ella ca llitulngelu feichi cüzau rume cüzauturqei ta che femlu: feichi mu uimcülenolu cai ta che ñi peal mapuche chrauhun, cam ueñu qimeltuqelu mapuchezungun. Qelluñmangei recüluhucüleqefui qimchezunguchiche mu caqe rumechi mapu mu tuhulu. Ancantu com ñi ngüchramcameqen uengam-rüpü-rpui ñi pengel-ngeal ñi rume falingen taiñ mapuchengen. Zeumantucu-cunui fill cüzau ñi zoi cüme qimel-azümngeal mapuchezungun, tañi une uirintucuel chi chillca “Qimeltuhun Mapuchezungun”
peumantucungerqei azcünungerqei ñi zeumangeal Carmen Antihual iem ñi eipin mu. Chumte niefüle rume uelulcan zungu com ñi cüzauel rume mañumfali iñchiñ mu.