MURAKKAB KONFIGURATSIYALI PRIZMATIK JISMLARNING CHIZIQLI VA GEOMETRIK NOCHIZIQLI JARAYONLARINING SONLI YECHIMLARI

Murakkab konfiguratsiyali prizmatik jismlarning soha geometriyasi tenglamalarini qurish masalalari ko‘rib chiqilgan. Bunday jismlar uchun soha chegaralarini aniq ifodalash va ularning geometriyasini analitik tarzda tavsiflash muammoli hisoblanadi. Shu sababli maqolada R-funksiyalar nazariyasiga asoslangan algoritmik yondashuv taklif etiladi. Ushbu yondashuv yordamida murakkab konfiguratsiyali ko‘ndalang kesimlarga ega prizmatik jismlarning chegaralari uchun soha tenglamalari qurildi. Natijada, to‘g‘ri to‘rtburchak kovakka ega jismlarning geometriyasini qulay shaklda ifodalash imkoniyati yaratildi.