MILLIY IQTISODIYOTDA KICHIK TADBIRKORLIKNING OʻRNI VA AHAMIYATI

Ushbu maqolada milliy iqtisodiyotda kichik tadbirkorlikning tutgan oʻrni va uning ijtimoiy-iqtisodiy rivojlanishga qoʻshayotgan hissasi tahlil qilingan. Bugungi kunda kichik biznes nafaqat yangi ish oʻrinlari yaratish, aholining bandligini ta'minlash, balki raqobat muhitini shakllantirish, innovatsion faoliyatni ragʻbatlantirish va ishlab chiqarish samaradorligini oshirishda ham muhim ahamiyat kasb etmoqda. Oʻzbekiston Respublikasida kichik tadbirkorlikni qoʻllab-quvvatlash davlat siyosatining ustuvor yoʻnalishlaridan biri boʻlib, u iqtisodiy barqarorlikni mustahkamlash, hududlarni rivojlantirish va xalq farovonligini oshirishda hal qiluvchi oʻrin tutadi. Mazkur maqolada yurtimizda kichik tadbirkorlikni rivojlantirish boʻyicha amalga oshirilayotgan ishlar koʻlami, kichik biznesning iqtisodiyotdagi ulushi, eksport salohiyati va hududiy rivojlanishga qoʻshayotgan hissasi tahlil qilinadi  va amaliy misollar asosida koʻrsatib oʻtiladi.