OʻQUV JARAYONIDA FASILITATSIYANI SHAKLLANTIRISHNING KREATIV USULLARI

Ushbu maqolada Oʻzbekiston ta'lim tizimida amalga oshirilayotgan keng qamrovli islohotlar va zamonaviy maktablarda oʻquv jarayonining shakllanishi hamda rivojlanish yoʻnalishlari ilmiy va nazariy asosda yoritiladi. Boshlangʻich ta'limda kreativ yondashuvni joriy etish, ta'limni ilgʻor pedagogik texnologiyalar asosida tashkil qilish, oʻquvchilarning erkin fikrlash va mustaqil ishlash koʻnikmalarini shakllantirish jarayonlari tahlil qilinadi. Shuningdek, yangi avlod darsliklarining qiyosiy oʻrganilishi, ularning afzallik va kamchiliklari, ta'lim samaradorligini oshirishdagi oʻrni koʻrib chiqiladi. Maqolada tinglab tushunish, oʻqib anglash va yozma nutq kompetensiyalarini rivojlantirish, fasilitatsion yondashuvning uzluksiz ta'lim tizimidagi ahamiyati hamda ta'limni nazariy va amaliy jihatdan yanada takomillashtirish imkoniyatlari keng yoritilgan. Mazkur tadqiqot kelgusida ta'lim jarayonini innovatsion yondashuvlar bilan boyitadi.