NUQSONI BOR MAKTABGACHA YOSHDAGI BOLALAR BILAN ISHLASHNING PSIXOLOGIK XUSUSIYATLARI

Mazkur maqolada nuqsoni bor maktabgacha yoshdagi bolalar bilan ishlash jarayonining psixologik xususiyatlari yoritilgan. Maktabgacha davr shaxs shakllanishi va ijtimoiy moslashuvning asosiy bosqichi sifatida alohida ahamiyatga ega boʻlib, nuqsoni mavjud bolalarda bu jarayon bir qator murakkabliklar bilan kechadi. Tadqiqotda maxsus psixologik yondashuvlar, korreksion-pedagogik metodlar va rivojlantiruvchi mashgʻulotlarning ahamiyati tahlil qilinadi. Shuningdek, psixologning individual va guruhiy ish shakllari, ota-onalar bilan hamkorlik mexanizmlari ham koʻrib chiqiladi. Maqola natijalari nuqsoni bor bolalarning shaxsiy rivojlanishini qoʻllab-quvvatlash, ularning ijtimoiylashuvini samarali tashkil etish hamda ta'lim-tarbiya jarayonida individual yondashuvni ta'minlash boʻyicha amaliy tavsiyalarni oʻz ichiga oladi.