UVAYSIY GʻAZALLARIDA ARABIZMLAR: LEKSIK-SEMANTIK TAHLIL

Uvaysiy ijodi oʻzbek mumtoz adabiyotida ayol shoiralar orasida alohida oʻrin tutadi. Uning gʻazallari estetik va ma'naviy jihatdan yuksak, lekin shu bilan birga lingvistik tahlil uchun ham boy manbadir. Ushbu maqolada Uvaysiy gʻazallarida uchraydigan arabiy soʻzlar – arabizmlarning leksik-semantik xususiyatlari tahlil qilinadi. Arabizmlar shoiraning diniy-ma'rifiy qarashlarini, badiiy til boyligini va poetik mahoratini yoritishda muhim rol oʻynaydi. Tahlil natijalariga koʻra, arabizmlar semantik jihatdan diniy-ma'naviy, hissiy-falsafiy va axloqiy toifalarga ajraladi. Shuningdek, ularning fonetik va grammatik moslashuvi ham tahlil qilingan. Maqola Uvaysiyning poetik tilida arabizmlarning badiiy-estetik funksiyasini ochib beradi.