TA'LIM TIZIMIDA KORRUPSIYANI BARTARAF ETISHDA USTUVOR YOʻNALISHLAR

Korrupsiya muammosi bugungi kunda nafaqat Oʻzbekiston, balki jahonning barcha mamlakatlari uchun dolzarb masalaga aylangan. Bu illatga qarshi kurashda davlat va jamiyat institutlari hamkorligining ahamiyati beqiyosdir. Ushbu maqolada ta'lim tizimida siyosiy madaniyatning korrupsiyaga qarshi kurashdagi oʻrni atroflicha oʻrganilgan. Siyosiy madaniyat – bu jamiyatda shakllangan siyosiy qarashlar, e'tiqodlar, an'analar va xulq-atvor qoidalari tizimi boʻlib, u korrupsiyaga qarshi kurashda birlashtiruvchi kuch sifatida namoyon boʻladi. Maqolada siyosiy madaniyatning fuqarolarda korrupsiyaga nisbatan murosasizlik muhitini shakllantirish, davlat va fuqarolik jamiyati institutlari oʻrtasidagi hamkorlikni mustahkamlash hamda korrupsiyaga qarshi kurashish mexanizmlarining samaradorligini oshirish borasidagi roli tahlil qilingan.