MADANIYATNING TARKIBIY ELEMENTLARI SIFATIDA TEXNOLOGIK VA EKOLOGIK MADANIYATNING INTEGRALLASHUVI

Ushbu maqolada madaniyatning o‘zaro bog‘liq elementlari ichida texnologik va ekologik madaniyatning o‘rni va ahamiyati tahlil qilinadi. Texnologiya tushunchasining mazmuni, uning tarixiy ildizlari va ko‘p qirrali talqinlari yoritilgan. Texnologik madaniyatning mazmunini belgilovchi o‘nta tarkibiy qism – mehnat, grafik, dizayn, axborot, ekologik, tadbirkorlik, insoniy munosabatlar, iste’mol, uy hamda loyiha madaniyatlari izohlanadi.

Shuningdek, o‘quvchilarning texnologik tayyorgarligini shakllantirishda kesishuvchi yo‘nalishlar ham ko‘rib chiqiladi. Maqolaning muhim qismi ekologik madaniyatning tarkibiy elementlari - ekologik savodxonlik, ekologik bilim, ekologik kompetentsiya va ekologik eruditsiya mazmunini ochishga bag‘ishlangan. Ekologik va insoniy munosabatlar madaniyatining umumiy ta’lim jarayonidagi o‘rni ta’kidlanadi hamda ekologik madaniyatning jamiyat va insoniyat hayotidagi global ahamiyati asoslab beriladi.