SABZINI QAYTA ISHLASH CHIQINDILARIDAN TABIIY LIPID–KAROTINOID KOMPLEKS OLISH VA UNING OZIQ-OVQAT SANOATIDAGI AHAMIYATI

Maqolada sabzini qayta ishlash jarayonida hosil bo‘ladigan chiqindilarning kimyoviy tarkibi hamda ularni samarali foydalanish imkoniyatlari o‘rganildi. Eksperimental tadqiqotlar natijasida chiqindilardagi lipid va karotinoidlarning miqdori aniqlangan. Havoda quritilgan chiqindidan olinadigan lipid miqdori nam chiqindiga nisbatan 1,3 baravar, karotinoid miqdori esa 2,1 baravar ko‘p ekani aniqlandi. Tadqiqot natijalari ushbu chiqindilarning tabiiy bo‘yoqlar va antioksidant moddalar manbai sifatida qimmatli xom ashyo ekanligini ko‘rsatadi. Olingan lipid–karotinoid kompleksini non va makaron mahsulotlarida qo‘llash maqsadga muvofiq deb tavsiya etiladi.