QADIMGI O'ZBEK VA FRANSUZ TILLARIDA SIFAT SO'Z TURKUMINING JINSDA TURLANISHI

Mazkur maqolada qadimgi o‘zbek va qadimgi fransuz tillarida sifat so‘z turkumining jinsda turlanishi qiyosiy tahlil asosida o‘rganilgan. Tadqiqotda har ikki tilning grammatik tizimi, ularning tipologik tuzilishi hamda sifatlarning jinsga munosabati morfologik va semantik jihatdan tahlil qilingan. Qadimgi o‘zbek tili agglutinativ tuzilishga ega bo‘lib, unda grammatik jins kategoriyasi mavjud emas. Shu sababli, sifatlar otlarning jinsiga ko‘ra o‘z shaklini o‘zgartirmagan, balki semantik moslik orqali bog‘langan. Sifatning ot bilan munosabati asosan so‘z tartibi va ma’no aloqasi orqali ifodalangan.