O'ZBEKISTONDA TIBBIYOT MUASSASALARI VA OTMLAR YORDAMIDA TA'LIM TURIZMINI RIVOJLANTIRISHNING ISTIQBOLLARI

Maqolada O‘zbekistonda ta’lim turizmini, ayniqsa tibbiy yo‘nalishdagi ta’limni rivojlantirish istiqbollari oliy ta’lim muassasalari va tibbiyot institutlari imkoniyatlari asosida tahli qilinadi. Tadqiqotda respublikada ta’lim turizmining hozirgi holati, jumladan, xorijiy talabalarni jalb qilish ko‘rsatkichlari, rag‘batlantirish tizimi va amaldagi me’yoriy-huquqiy hujjatlar tahlil qilingan. Ayniqsa, mamlakatning yetakchi tibbiyot universitetlari va klinikalarining xalqaro tajribasi, shuningdek, chet el talabalari uchun taklif etilayotgan dasturlar (qisqa muddatli klinik stajirovkalar, ordinatura, magistratura va ilmiy loyihalar) o‘rganilgan. Tadqiqotda O‘zbekistonning noyob tarixiy-ma’naviy merosi va tabiiy landshaftlarini ta’lim turizmi dasturlariga integratsiyalash imkoniyatlari o‘rganilgan. Shuningdek, so‘nggi yillarda amalga oshirilayotgan “O‘zbekiston – ta’lim turizmi markazi” konsepsiyasining ustuvor yo‘nalishlari tahli qilingan. O‘tkazilgan tadqiqot asosida O‘zbekistonda tibbiy yo‘nalishdagi ta’lim turizmini rivojlantirishning dolzarb muammolari va istiqbollari aniqlangan.