બકરામાં પેશાબની પથરીના લક્ષણો અને સારવાર

ભારત એ એક કૃષિપ્રધાન અને પશુપાલક દેશ છે. ભારતમાં વસતા મોટાભાગના નાગરિકો ગામડામાં રહી ખેતી ઉપર નિર્ભર છે. ભારતના ખેડૂતો ખેતીની સાથે સાથે પશુપાલન પણ કરે છે. તેઓ પશુપાલન કરી દૂધ, ઉન, માંસ, વાળ, ચામડા વગેરેમાંથી પોતાનું ગુજરાન ચલાવે છે. ભારતમાં ઉચ્ચ, મધ્યમ અને ગરીબ કે સાધારણ એમ દરેક વર્ગના ખેડૂતોની વસ્તી જોવા મળે છે. ગરીબ કે સાધારણ વર્ગના ખેડૂતો કે જેમની પાસે ઓછી જમીન હોય તેઓ સામાન્ય રીતે બકરાપાલન કરતા જોવા મળે છે. બકરીને ગરીબ ખેડૂતની ગાય માનવામાં આવે છે કારણ કે, બકરી ઓછા પાલનખર્ચે સારું ઉત્પાદન આપે છે. ગરીબ ખેડૂત કે જે ગાયનું પશુપાલન કરવા સક્ષમ ન હોય તે બકરાપાલન કરીને પોતાનું ગુજરાન ચલાવતા હોય છે. આથી બકરીનું મહત્વ પણ ગાય જેટલું જ છે. તો આજે આ લેખમાં આપણે સૌ બકરામાં સામાન્ય રીતે જોવા મળતા પેશાબની પથરીના રોગ, તેના લક્ષણો અને તેની સારવાર તથા તેને અટકાવવાના ઉપાયો વિશે જાણીશું.