TALABALARGA TASVIRIY SAN'ATNING MANZARA KOMPOZITSIYASINI ISHLASHGA O'RGATISHNING MUHIM OMILLARI

Ushbu maqolada talabalarning tabiat va san’atdagi betakror go‘zalliklarni ko‘ra bilishi, ularni qalban his etishi hamda ona yurtga bo‘lgan muhabbatini oshirish orqali manzara janrini o‘rganish jarayonidagi ahamiyati yoritilgan. Manzara ustida ishlash davomida talabalar chiziqli va havo perspektivasi, kolorit hamda kompozitsiya qonuniyatlarini nazariy va amaliy jihatdan o‘zlashtirib boradilar. Maqolada manzaraning tasviriy san’atdagi o‘rni, uning inson estetik didini shakllantirishdagi roli hamda ijodiy fikrlashni rivojlantirishdagi ahamiyati tahlil qilingan. Shuningdek, tabiatni kuzatish, plenerda etyudlar bajarish jarayoni, rang va tus munosabatlarini to‘g‘ri aniqlash, havo perspektivasining ahamiyati ham yoritilgan. Tadqiqot natijasida manzara ustida ishlash talabalarda estetik zavq, tabiatga mehr va ijodiy faoliyatga bo‘lgan qiziqishni oshirishini ko‘rsatadi.