KORXONA MOLIYAVIY HISOBOTLARINING ISHONCHLILIGINI TA'MINLASHDA BUXGALTERIYA REGISTRLARINING ROLI

Mazkur maqolada korxona moliyaviy hisobotlarining ishonchliligini ta’minlashda buxgalteriya registrlarining o‘rni va ahamiyati tahlil qilinadi. Tadqiqotda registrlar yordamida xo‘jalik operatsiyalarining to‘g‘riligini nazorat qilish, moliyaviy ma’lumotlarning haqqoniyligini ta’minlash hamda boshqaruv qarorlarini qabul qilishdagi axborot sifatini oshirish masalalari o‘rganilgan. Qiyosiy va statistik tahlil natijalariga ko‘ra, O‘zbekiston korxonalarida registrlarni avtomatlashtirish darajasi yetarli emasligi aniqlangan. Xalqaro tajribalar esa elektron registr tizimlari hisobotlarning shaffofligi va auditga tayyorligini 25 foizgacha oshirishini ko‘rsatadi. Tadqiqot yakunida buxgalteriya registrlarini takomillashtirish va raqamlashtirish bo‘yicha ilmiy-amaliy takliflar ishlab chiqilgan.