HUDUDIY IJTIMOIY TABAQALASHUVNI BAHOLASHDA SUN'IY INTELLEKT TEXNOLOGIYALARINING QO'LLANILISHI

Ushbu maqola sun’iy intellekt (SI) texnologiyalari yordamida hududlarning ijtimoiy tabaqalashuv darajasini aniqlash va monitoring qilishga mo‘ljallangan platforma konsepsiyasini iqtisodiy-sotsiologik nuqtai nazardan tahlil qiladi. Tadqiqot adabiyotlar sintezi asosida hududiy stratifikatsiyani o‘lchash uchun indikatorlar to‘plamini ishlab chiqdi, ma’lumotlar integratsiyasi va anonimlashtirish tamoyillarini belgiladi va HITI (Hududiy Ijtimoiy Tabaqalashuv Indeksi)ni taklif etdi. Pilot sinovlar ma’muriy va so‘rov ma’lumotlari asosida bir nechta hududlarda HITI ni hisoblab, hududlarning yuqori, o‘rta va past tabaqalarini aniqladi. SHAP interpretatsiyasi daromad dispersiyasi, ta’lim darajasi, internet tezligi va raqamli ko‘nikma indeksini HITI ga eng katta ta’sir ko‘rsatuvchi omillar sifatida ko‘rsatdi. Klasterlash natijalari hamda anomaliya detektsiyasi platformaning hududiy tafovutlarni aniqlash va siyosiy intervensiyalarni maqsadga muvofiq yo‘naltirishdagi amaliy qiymatini tasdiqlaydi.