KORRUPSIYAVIY JINOYATLARNING KRIMINOLOGIK VA VIKTIMOLOGIK PROFILAKTIKASINI TAKOMILASHTIRISH MASALALAR

Mazkur ilmiy maqolada korrupsiyaviy jinoyatlarning kriminologik va viktimologik profilaktikasini takomillashtirish masalalari har tomonlama tahlil qilinadi. Tadqiqot predmeti korrupsiyaviy huquqbuzarliklarning sabablari va ularni rag‘batlantiruvchi ijtimoiy-psixologik hamda institutsional omillar tizimini, shuningdek, jabrlanuvchi subyektlarning xulq-atvor xususiyatlarini o‘z ichiga oladi. Tadqiqotning maqsadi O‘zbekiston sharoitida korrupsiyaviy jinoyatlarning oldini olishga qaratilgan kompleks kriminologik va viktimologik mexanizmlarni ishlab chiqish hamda ularni amaliyotga tatbiq etish bo‘yicha ilmiy asoslangan tavsiyalarni shakllantirishdan iboratdir. Mavzuning dolzarbligi korrupsiyaning ijtimoiy-huquqiy oqibatlari, huquqiy madaniyatning pastligi, manfaatlar to‘qnashuvi institutining to‘liq ishlamasligi hamda xalqaro standartlar bilan milliy tizim o‘rtasidagi tafovutlar bilan izohlanadi.