TEXIKA FANLARINI O'QITUVCHILARINING MEHNAT FAOLIYATIDAGI ASOSIY JIHATLAR

Bugungi kunda ta’lim tizimida texnika fanlarini o‘qitish jarayoni nafaqat nazariy bilimlarni yetkazish, balki amaliy ko‘nikma va innovatsion tafakkurni shakllantirishga ham qaratilgan. Texnika fanlari o‘qituvchilari zamonaviy texnologiyalarni chuqur bilishi, ishlab chiqarish jarayonlari va muhandislik yondashuvlarini o‘quvchilarga yetkazishda faol, ijodkor va yangilikka intiluvchi bo‘lishi zarur. Ularning mehnat faoliyati o‘qituvchilik mahorati, metodik tayyorgarligi, texnik tafakkuri hamda innovatsion pedagogik yondashuvlarni qo‘llay bilish darajasi bilan belgilanadi. Texnika fanlari o‘qituvchisining kasbiy faoliyatida muhim o‘rin egallaydigan jihatlar — bu o‘quvchilarda texnik tafakkurni rivojlantirish, amaliy mashg‘ulotlarni samarali tashkil etish, ilg‘or o‘qitish metodlarini tatbiq etish, axborot-kommunikatsiya texnologiyalaridan unumli foydalanish hamda ilmiy-ijodiy izlanishlarni yo‘lga qo‘yishdir.