TURIZM KLASTERLARIDA TIBBIY XIZMATLAR INTEGRATSIYASI: XALQARO TAJRIBA VA O'ZBEKISTON AMALIYOTI

Mazkur maqolada turizm klasterlari doirasida tibbiy xizmatlarni integratsiya qilish masalalari, ularning
iqtisodiy samaradorligini oshirishdagi o‘rni hamda xalqaro tajribalar asosida O‘zbekiston sharoitiga moslashtirish yo‘llari
tahlil qilingan. Dunyoning rivojlangan davlatlari, xususan, Sharq mamlakatlari – Hindiston tajribasi misolida tibbiy turizm
infratuzilmasini klaster yondashuvi asosida tashkil etishning afzalliklari ochib berilgan. Shuningdek, O‘zbekistonda
faoliyat yuritayotgan turizm klasterlari hamda sog‘liqni saqlash tizimidagi xususiy sektor ishtiroki tahlil qilinib, tibbiy
xizmatlar bilan turistik infratuzilma o‘rtasidagi hamkorlikni kuchaytirish bo‘yicha amaliy taklif va tavsiyalar ishlab chiqilgan.
Tadqiqot natijalari O‘zbekistonning tibbiy turizm salohiyatini oshirish, uni xalqaro bozorda raqobatbardosh soha sifatida
shakllantirish hamda innovatsion klaster modeli asosida rivojlantirishga xizmat qiladi