UCHUVCHISIZ UCHISH APPARATLARI YORDAMIDA QISHLOQ XO'JALIGIDA EKINLARNI MONITORING QILISH VA BOSHQARISH: SAMARADORLIK VA KELAJAKDAGI IMKONIYATLARI

Mazkur maqolada uchuvchisiz uchish apparatlari (UUAlar) yordamida qishloq xo‘jaligi ekinlarini monitoring qilish, oziqlanish holatini baholash va kimyoviy dorilash jarayonlarini optimallashtirish imkoniyatlari tahlil qilingan[15]. Tadqiqotda multispektral va termal sensorlardan foydalanish orqali ekinlarning suv va oziq moddalarga bo‘lgan ehtiyojini aniqlash, shuningdek, zararkunandalar va begona o‘tlarni erta bosqichda aniqlash samaradorligi ko‘rsatib o‘tilgan. Shuningdek, DJI Agras T40 droni misolida an’anaviy va zamonaviy (dronli) usullar o‘rtasidagi texnik va iqtisodiy taqqoslov amalga oshirilgan. Natijalar shuni ko‘rsatadiki, UUAlardan foydalanish resurs sarfini 30 barobar kamaytiradi, ekologik zararlarni pasaytiradi va hosildorlikni oshiradi.