KOMPOZIT MATERIALLARNING RADIOSHAFFOFLIGINI ANIQLASH USULLARINING MATEMATIK MODELLARI VA ALGORITMLARNI ISHLAB CHIQISH

Ushbu maqolada kompozit materiallarning radioshaffoflik xususiyatlarini aniqlash usullari, ularning matematik modellari va algoritmlari ishlab chiqishga oid masalalar yoritilgan. Radioto‘lqinlarning turli chastota diapazonlarida kompozit materiallar bilan o‘zaro ta’sirini tavsiflovchi fizik-matematik asoslar tahlil qilingan. Radioshaffoflikni aniqlashda yutish koeffitsienti, dielektrik doimiysi, yo‘qotish tangensi va elektromagnit to‘lqinlarning o‘tish koeffitsienti kabi parametrlarni hisoblash metodlari ishlab chiqilgan. Shuningdek, radioshaffoflikni nazorat qilish vositalarining kalibrlash jarayoni, hisob-kitob algoritmlari va ularning samaradorligini oshirish yo‘llari taklif etilgan. Tadqiqot natijalari kompozit materiallardan tayyorlangan aerokosmik, telekommunikatsion va radiolokatsion qurilmalarning ishonchliligi va samaradorligini oshirishda qo‘llanishi mumkin.