TURLI SOHALARIDA QOʻLLANILADIGAN MATERIALLARNING RADIOSHAFFOFLIGINI OʻLCHASHNING FIZIK MEXANIK KOʻRSATGICHLARI

Mazkur ishda turli sohalarda qo‘llaniladigan materiallarning radioshaffoflik xususiyatlarini o‘lchashning fizik va mexanik ko‘rsatkichlari o‘rganiladi. Radioshaffoflik materiallarning elektromagnit to‘lqinlarni o‘tkazish, yutish va aks ettirish qobiliyatlari bilan bog‘liq bo‘lib, bu xususiyatlar aviatsiya, kosmonavtika, telekommunikatsiya va mudofaa sohalarida muhim ahamiyat kasb etadi. Ishda materiallarning dielektrik doimiysi, yo‘qotish tangensi, yutish koeffitsienti va mexanik mustahkamlik kabi parametrlarini aniqlash hamda ularning o‘zaro bog‘liqligi tahlil qilinadi. O‘lchash jarayonida fizik va elektromagnit modellar, kalibrovka usullari hamda zamonaviy diagnostika vositalari qo‘llanadi. Tadqiqot natijalari radioshaffof kompozit materiallarning sifatini baholash, ularning amaliyotdagi qo‘llanish samaradorligini oshirish va yangi texnologiyalarni ishlab chiqishda muhim ilmiy asos bo‘lib xizmat qiladi.