FARMAKORESISTENT EPILEPSIYADA XIRURGIK DAVOLASH NATIJALARI

Epilepsiya – markaziy asab tizimining surunkali kasalligi bo‘lib, takrorlanuvchi epileptik tutqanoqlar bilan kechadi. Butun dunyoda millionlab insonlar ushbu kasallikdan aziyat chekadi. Dastlabki bosqichlarda konservativ davo – antiepileptik preparatlar samarali bo‘lsa-da, bemorlarning 30% gacha bo‘lgan qismida dori vositalariga chidamsizlik – ya’ni farmakoresistent epilepsiya rivojlanadi. Bunday hollarda neyroxirurgik aralashuv eng samarali davolash usullaridan biri sifatida qaraladi.