AI TOMONIDAN YARATILGAN INGLIZ VA O'ZBEK MATNLARIDA SINONIMIK BIRLIKLARNING QO'LLANILISHI

Ushbu maqolada sun’iy intellekt (AI) tomonidan yaratilgan ingliz va o‘zbek tilidagi matnlarda sinonimik birliklarning ishlatilish xususiyatlari tahlil qilinadi. Tadqiqotning asosiy maqsadi – AI modellarining leksik xilma-xillik, sinonimik tanlov va uslubiy aniqlikni qay darajada ta’minlay olishini aniqlashdir. Maqolada ChatGPT kabi ilg‘or til modellari tomonidan yaratilgan matnlar inson yozgan matnlar bilan taqqoslanadi. Tahlil natijalari shuni ko‘rsatadiki, AI yozgan matnlar grammatik jihatdan mukammal bo‘lsa-da, leksik boylik va sinonimik noziklik jihatidan inson yozgan matnlardan farq qiladi.