Nutqi to'liq rivojlanmagan bolalarning so'zlashuv nutqini rivojlantirishning samarali usullari.

Mazkur maqolada nutqning inson ruhiy rivojlanishidagi o‘rni, uning shakllanishi va rivojlanishida miya
po‘stlog‘i faoliyatining ahamiyati, shuningdek, bolalarda nutqning to‘liq rivojlanmaganligi (NTR) darajalari tahlil qilingan.
R.E. Levina tomonidan ajratilgan nutq rivojlanmaganligining uch darajasi – nutqning yo‘qligi, cheklangan jumlalar asosidagi
oddiy nutq va fonetik-fonematik hamda leksik-grammatik jihatdan rivojlanmagan nutq holatlari yoritilgan. Maqolada
nutq nuqsonlariga ega bo‘lgan bolalarda o‘yin faoliyatining ahamiyati, uning nutqiy va ruhiy rivojlanishga ta’siri hamda
logopedik korreksiyada didaktik o‘yinlarning qo‘llanish usullari batafsil bayon etilgan. Shuningdek, “Bitta–ko‘p”, “Ushlab
ol va nomla”, “Bu kimning kiyimlari?”, “Kichkina va katta” kabi o‘yinlar orqali bolalarda lug‘at boyligini kengaytirish, grammatik
shakllarni to‘g‘ri qo‘llash, mantiqiy fikrlash va umumiy motorika ko‘nikmalarini rivojlantirishning samarali yo‘llari
ko‘rsatib o‘tilgan.