BOLALARNING AQLIY QOBILIYATI, TAFAKKUR DARAJASI VA XOTIRA HAJMINI ANIQLASH DASTURLARINING AHAMIYATI

Ushbu maqolada bolalarning aqliy salohiyatini baholashning muhimligi, xususan, Veksler testi va Ravenning matritsali testi haqida ma'lumot berilgan. Veksler testi bolalar va kattalar uchun mo‘ljallangan bo‘lib, nafaqat umumiy IQ darajasini, balki og‘zaki qobiliyatlar, mantiqiy fikrlash, ko‘rish-fazoviy idrok, diqqat va xotirani ham baholaydi. Test rivojlanishdagi kuchli va zaif tomonlarni aniqlash, kognitiv buzilishlarni tashxislash va ta'limiy tavsiyalar berishda yordam beradi. Ravenning matritsali testi esa mantiqiy fikrlashni o‘rganishga qaratilgan bo‘lib, murakkablik darajasi o‘sib boruvchi 5 qismdan iborat. Ushbu test tekshiriluvchidan rasmlardagi mantiqiy bog‘liqlikni aniqlashni talab etadi.