MAKTABGACHA TA'LIM TASHKILOTIDA VA OILA BILAN HAMKORLIKDA ILK YOSHDAGI BOLALAR HAYOTINI TO'G'RI TASHKIL ETISH

Bugungi kunda O‘zbekiston Respublikasida maktabgacha ta’lim tizimi bolani har tomonlama rivojlantirish, uning jismoniy, aqliy, ma’naviy va ijtimoiy shakllanishini ta’minlashga qaratilgan muhim soha sifatida e’tirof etilmoqda. Ilk yosh davri (0–3 yosh) — bolaning kelajakdagi shaxsiy rivojlanishi uchun poydevor bo‘lib, bu davrda bola atrof-muhitni idrok etishni, muloqot qilishni, mustaqil harakatlanishni o‘rganadi. Shu bois, bu davrda bolaning hayotini to‘g‘ri tashkil etish, unga zarur parvarish, ta’lim va tarbiya berish davlat siyosatining muhim yo‘nalishlaridan biri hisoblanadi.