INSON HAYOTIDA MUSIQANING O'RNI VA UNING AHAMIYATI

Musiqa bu shunday bir kuchli vositaki u inson ongini va uning muloqotdagi nutqini ifodalashda uni rivojlantirishda alohida o‘rin egallaydi. O‘tmishda insonlar musiqa orqali o'z his-tuyg'ularini, madaniyatini va an'analarini ifoda etganlar. U insonning ichki dunyosini aks ettiradi shu bilan bir qatorda turli xil avlodlarni va jamiyatlarni birlashtirishga o'zining katta hissasini qo‘shadi. Musiqani odamlar nafaqat san'at shakli  balki uni psixologik tasalli manbai ham deb hisoblashadi. U stressni kamaytiradi va ruhiy jarohatlarni davolaydi hamda ijobiy kayfiyatni shakllantiradi. Ilmiy tadqiqotlar shuni ko‘rsatadiki, musiqa insonning xotirasini diqqatini va uning ijodkorligini oshirib beradi. Bu shuni ko‘rsatadiki u ta'lim va shaxsiy taraqqiyot uchun juda qadrlidir. Bundan tashqari, musiqa shaxsiylikni shakllantirish va madaniy merosni asrab- avaylashda muhim rol o‘ynaydi, qadriyatlarni avloddan avlodga yetkazib beradi. Ijtimoiy darajada esa u odamlarni bayramlarda, marosimlarda va kundalik hayotda birlashtirib, birdamlik va totuvlikni mustahkamlaydi. Shunday qilib, musiqa inson hayotiga hissiy, bilish, madaniy va ijtimoiy jihatdan ta’sir etuvchi universal til sifatida qaraladi.