ZAMONAVIY ELEKTRON QURILMALARDA NOSOZLIKLARNI ANIQLASH METODLARI VA DIAGNOSTIKA TEXNOLOGIYALARI

Ushbu maqolada zamonaviy elektron asboblardagi nosozliklarni aniqlash usullari va diagnostika texnologiyalarining samaradorligi tahlil qilindi. Passiv, aktiv hamda raqamli diagnostika yondashuvlari solishtirilib, ularning afzallik va cheklovlari eksperimental natijalar asosida baholandi. Mahalliy tadqiqotchilar tomonidan taklif etilgan termografik monitoring, Arduino asosidagi self-test moduli va OBD-II adapterlar yordamida tashxislash usullari o‘rganildi. Qiyosiy tahlil shuni ko‘rsatdiki, gibrid yondashuvdan foydalanilganda nosozliklarni aniqlash aniqligi 2 barobar oshadi. Maqolada diagnostika madaniyatini rivojlantirish, sun’iy intellekt asosida prediktiv monitoring tizimlarini yaratish bo‘yicha takliflar ilgari surilgan.