As Publicacións Científicas da Universidade de Vigo en Acceso Aberto: Semana do Acceso Aberto 20 ao 26 de outubro de 2025

A Biblioteca Universitaria de Vigo participa, un ano máis, na Semana Internacional do Acceso Aberto que se celebra do 20 ao 26 de outubro de 2025 en todo o mundo. A finalidade desta iniciativa anual é dar a coñecer e potenciar o acceso aberto no mundo académico e da investigación.

Neste contexto, a Área de Servizos Bibliométricos achega un estudo sobre as publicacións en acceso aberto producidas polo persoal investigador da Universidade de Vigo entre 2015 e 2024.

O obxectivo é presentar os datos sobre a evolución da participación da Universidade no movemento polo acceso aberto.