KRITA , SKETCHBOOK VA INFINITE PAINTER DASTURLARINING TASVIRIY SAN'AT TA'LIMIDAGI QULAYLIKLARI

Ushbu tezis O‘zbekiston tasviriy san’at ta’limida Krita, SketchBook va Infinite Painter grafik dasturlarini integratsiya qilishning kelajakdagi imkoniyatlarini prognoz qiladi va tajriba rejasini taqdim etadi. Tadqiqot “Raqamli O‘zbekiston – 2030” strategiyasi doirasida ta’limni raqamlashtirishning dolzarbligiga asoslanadi.Chirchiq Davlat Pedagogika Universitetining Tasviriy san’at va muhandislik grafikasida 2026-yilda 150 nafar talaba ishtirokida 4 oylik tajriba va so‘rovnoma (N=150) o‘tkazish rejalashtirilmoqda. Rejaning maqsadi ushbu dasturlarni ta’lim jarayoniga joriy etish orqali talabalarning raqamli savodxonlik ko‘nikmalarini oshirish samaradorligini baholashdir. Krita (ochiq manbali), SketchBook (professional dastur) va Infinite Painter (mobil qurilmalar uchun qulay) dasturlari bepul yoki arzon narxlardagi mavjudligi, foydalanuvchi uchun qulay interfeysi va ijodiy vositalari tufayli raqamli savodxonlikni 35% ga oshirishi kutiladi. Infratuzilma cheklovlari va o‘qituvchilar malakasining yetishmasligi muammolar sifatida bashorat qilinadi, ularga yechim sifatida aniq strategiyalar taklif etiladi. Reja ta’lim muassasalariga ushbu dasturlarni integratsiya qilish bo‘yicha yo‘l xaritasini taqdim etadi.