MEHNAT MIGRATSIYASI VA PUL O'TKAZMALARINING IQTISODIYOTGA TA'SIRI

Ushbu maqolada O‘zbekiston Respublikasida mehnat migratsiyasi va pul o‘tkazmalarining iqtisodiyotga
ta’siri empirik tahlil asosida o‘rganilgan. Tadqiqotda 2018–2024-yillardagi statistik ma’lumotlar asosida pul o‘tkazmalari
(remittances) hajmi hamda ularning iste’mol bozori, kambag‘allik darajasi, ishsizlik va valyuta tushumlariga ta’siri tahlil
qilingan. Empirik natijalarga ko‘ra, migrantlar tomonidan yuborilgan pul o‘tkazmalari qisqa muddatda makroiqtisodiy
barqarorlikni ta’minlashda ijobiy rol o‘ynagani aniqlangan, biroq uzoq muddatda mehnat resurslarining qisqarishi, “miya
oqimi”ning kuchayishi va tashqi iqtisodiy qaramlik xavflari yuzaga kelgani qayd etilgan. Shuningdek, xalqaro tajriba
va qiyosiy tahlil asosida O‘zbekistonda pul o‘tkazmalarini samarali investitsiyalarga yo‘naltirish, moliyaviy xizmatlarni
kengaytirish hamda ijtimoiy himoyani kuchaytirish orqali iqtisodiy barqarorlikni mustahkamlash bo‘yicha amaliy takliflar
ishlab chiqilgan.