OʻZBEKISTONDA IJTIMOIY TABAQALASHUVNING ZAMONAVIY TENDENSIYALARI VA RAQAMLI TRANSFORMATSIYA SHAROITIDA ULARNI MONITORING QILISHNING INNOVATSION IMKONIYATLARI

Tadqiqotda Oʻzbekistonda ijtimoiy tabaqalashuvning zamonaviy shakllari va raqamli transformatsiya jarayonlarining tengsizlikka ta'siri tahlil qilindi. Empirik tahlillar Jini koeffitsiyenti, Lorenz egri va DAD dasturi asosida olib borilib, ijtimoiy va raqamli tafovutlarning oʻzaro bogʻliqligi aniqlangan. Natijalar raqamli infratuzilma, ma'lumotga kirish va imkoniyatlar tengligi oʻrtasida muvozanat zarurligini koʻrsatadi. Tadqiqot ijtimoiy tenglikni ta'minlash uchun innovatsion monitoring tizimini ishlab chiqish boʻyicha amaliy takliflarni ilgari suradi.