OLIY MATEMATIKA FANINI ZAMONAVIY PEDAGOGIK TEXNOLOGIYALAR ASOSIDA O'QITISH

Mazkur maqolada O‘zbekiston oliy ta’lim tizimida matematika fanini o‘qitishda zamonaviy pedagogik texnologiyalardan foydalanishning ilmiy-metodik asoslari, ularning o‘quv jarayonidagi o‘rni va samaradorligi tahlil qilingan. Oliy matematika fanining murakkab mavzularini o‘zlashtirishda interfaol usullar, axborot-kommunikatsiya texnologiyalari (AKT), raqamli ta’lim platformalari, masofaviy o‘qitish tizimlari va loyiha asosidagi yondashuvlarning ahamiyati yoritilgan. Maqolada Prezident Sh.M. Mirziyoyevning ta’lim-tarbiya sohasidagi fikrlari asosida oliy ta’limni modernizatsiya qilish, o‘qituvchi malakasini oshirish hamda ta’lim sifatini kafolatlash yo‘llari ham tahlil etilgan.