ERGASHGAN QO'SHMA GAPLARNI TURLI METODLAR ASOSIDA O'RGATILINISHI

Ushbu maqolada ona tili o‘qitish metodikasi doirasida ergashgan qo‘shma gaplarni o‘quvchilarga samarali o‘rgatish masalalari yoritiladi. Maqolada mazkur gap turining grammatik tuzilishi, mantiqiy-sintaktik bog‘lanishi va uslubiy xususiyatlari chuqur tahlil qilinadi hamda bu bilimlarni o‘quvchilarga yetkazishda qo‘llaniladigan metodik yondashuvlar — an’anaviy, interfaol, muammoli ta’lim, kommunikativ metodlar va axborot-kommunikatsiya texnologiyalari o‘rganiladi. Maqolada ergashgan qo‘shma gaplarni o‘zlashtirishda o‘quvchilarning til kompetensiyasini rivojlantirish, mantiqiy fikrlashini shakllantirish va yozma-nutq malakasini mustahkamlashga qaratilgan mashqlar tizimi, didaktik vositalar va metodik tavsiyalar ishlab chiqiladi. Xususan, dars jarayonida klaster, insert, “aqliy hujum” kabi usullardan foydalanish samaradorligi amaliy jihatdan asoslab beriladi. Tadqiqot natijalari ergashgan qo‘shma gaplarni ona tili darslarida zamonaviy metodik yondashuvlar asosida o‘rgatish bo‘yicha amaliy takliflar ishlab chiqishga xizmat qiladi.