IXTIONIMLARNING AFFIKSATSIYA USULI BILAN YASALISHI

Mazkur maqolada o‘zbek tilidagi baliq nomlarining yasalish tizimi, xususan affiksatsiya usuli orqali shakllanish jarayoni lingvistik nuqtai nazardan tahlil qilinadi. Tabiat hodisalari, yashash muhiti va inson faoliyati bilan chambarchas bog‘liq bo‘lgan baliq nomlarining leksik-semantik xususiyatlari, etimologiyasi hamda ularning so‘z yasash modellari ilmiy jihatdan o‘rganilgan. Affiksatsiya usuli orqali yasalgan baliq nomlarining morfemik tarkibi, affikslarning ma’no o‘zgarishiga ta’siri, ularning o‘zbek tilidagi va turkiy tillar tizimidagi o‘rni izchil tahlil qilinadi. Tadqiqot natijasida o‘zbek tilidagi ko‘plab baliq nomlari affikslar yordamida semantik kengayish asosida shakllangani aniqlangan.