TARIXIY SHAHAR MUHITINI SAQLASHDA "TIRIK MEROS" (LIVING HERITAGE) KONSEPSIYASI

Mazkur maqolada tarixiy shahar muhitini saqlashda “tirik meros” konsepsiyasining mohiyati va ahamiyati tahlil qilinadi. Tirik meros shaharlarning madaniy, ijtimoiy va iqtisodiy hayotida muhim o‘rin tutuvchi qadimiy an’analar, hunarmandchilik, urf-odatlar va mahalliy turmush tarzini o‘z ichiga oladi. Tadqiqotda tarixiy shaharlarning zamonaviy urbanizatsiya jarayonida yo‘qolib borayotgan madaniy qadriyatlarini asrash, ularni turizm va ta’lim tizimi orqali qayta jonlantirish yo‘llari ko‘rib chiqiladi. Shuningdek, “tirik meros” yondashuvi madaniy merosni faqat jismoniy ob’ekt sifatida emas, balki uni yaratgan jamiyatning tirik ifodasi sifatida talqin etilishi zarurligi asoslab beriladi. Maqola yakunida tarixiy shahar muhitida merosni boshqarishning innovatsion strategiyalari taklif etiladi.